快樂小羊火鍋料理 (銅鑼灣廣場一期) (已結業)

好想食羊肉，但想喺香港搵到一間好食嘅羊肉，真係有啲困難🥲係OpenRice碌咗好耐…最後揀咗快樂小羊火鍋料理🤣我哋今次叫咗成雙鍋 ，選擇了清湯+麻辣湯。我哋忍唔住喺未淥任何嘢之前飲咗好多清湯，好好飲🤣而且店員好好不停咁加湯👍🏻外面有蔬菜bar，可以任拎蔬菜👍🏻款式都幾豐富！1.塔拉上的快樂卷（大份）我想講佢嘅份量比我想像中大，圖片與現實係相符嘅🤣可以放心叫！重點重點，佢嘅羊肉係唔羶，好開心，係好食嘅！2.脆鯇（骨腩）脆鯇好爽脆，切得好好，淥幾下就食得👍🏻3.自製土豆粉（小份）有啲似薯粉，個人好鍾意煙靭嘅口感😍4.脆爽鮮毛肚 （小份）真係切得超大塊，彈牙的口感，係正嘅！5.鴨血（小份）充分吸收湯汁嘅鴨血好好味，因為我哋兩個人，所以我覺得份量好足夠！6.爽脆脆牛舌（大份）薄切嘅牛舌，好爽，好味！7.蒙式烤羊串用鐵板上嘅羊串，香氣撲鼻！食落肥瘦相隔，真係好正！享受火鍋時，都可以品嚐到獨特的烤羊肉風味，可謂一絕。我哋食到超飽，好多食物到嗰陣我哋都發現份量好大，我同朋友都覺得喺性價比高同好食👍🏻我哋冇特別叫飲品，因為店舖有提供茶，幾好飲，不過留意返會收茶芥😝埋單先發現，舖頭而家有食300送300