影片
更多
2023-05-25
61 瀏覽
今日和朋友去咗尖沙咀行街， 行到攰攰哋，正諗緊午餐食乜嘢之際，朋友提議同我去樓上舖食Omakase，我當然贊成喇。去到餐廳，發現門面裝修得好高雅舒服，內裏裝潢以木系為主，營造出傳統的日式風格，超有日本feel。餐廳座位唔多，全部係吧檯設計，食客可以坐吧枱，近距離望住廚師全個食物製作過程。午市套餐有$388和$588 兩個選擇，我哋揀嘅係$388午市套餐，套餐除前菜外，仲有茶碗蒸，刺身薄切，廚師發板嘅壽司，手卷，仲有湯同甜品。睇埋個drink list，除啤酒和汽水外，仲有好多款嘅sake以供選擇，最特別嘅係佢哋仲提供$188同$288 嘅free flow，令喜好飲酒嘅食客，可以一邊飲酒，一邊細味廚師為你準備嘅食物。前菜 ～ 係調咗味嘅水雲，酸酸地好開胃。茶碗蒸 ～ 蛋蒸得好嫩好香滑，材料都好多，有冬菇、瑤柱同雞肉……。薄切刺身 ～ 係來自愛媛縣嘅蜜柑鯛，上面仲有自家製嘅酸汁啫喱，更能帶出鯛魚淡淡的蜜柑香味。壽司 ～ 呢個時候可以好好咁欣賞廚師嘅刀工喇。伊佐木 ～ 味道鮮甜彈牙。少肌魚 ～ 預先用醋和味淋醃過，廚師用刀先將魚肉細細開，令食客更好去欣賞魚的鮮味。帆立貝 ～ 與壽司飯之間
去到餐廳，發現門面裝修得好高雅舒服，內裏裝潢以木系為主，營造出傳統的日式風格，超有日本feel。餐廳座位唔多，全部係吧檯設計，食客可以坐吧枱，近距離望住廚師全個食物製作過程。
午市套餐有$388和$588 兩個選擇，我哋揀嘅係$388午市套餐，套餐除前菜外，仲有茶碗蒸，刺身薄切，廚師發板嘅壽司，手卷，仲有湯同甜品。睇埋個drink list，除啤酒和汽水外，仲有好多款嘅sake以供選擇，最特別嘅係佢哋仲提供$188同$288 嘅free flow，令喜好飲酒嘅食客，可以一邊飲酒，一邊細味廚師為你準備嘅食物。
前菜 ～ 係調咗味嘅水雲，酸酸地好開胃。
茶碗蒸 ～ 蛋蒸得好嫩好香滑，材料都好多，有冬菇、瑤柱同雞肉……。
薄切刺身 ～ 係來自愛媛縣嘅蜜柑鯛，上面仲有自家製嘅酸汁啫喱，更能帶出鯛魚淡淡的蜜柑香味。
壽司 ～ 呢個時候可以好好咁欣賞廚師嘅刀工喇。
伊佐木 ～ 味道鮮甜彈牙。
少肌魚 ～ 預先用醋和味淋醃過，廚師用刀先將魚肉細細開，令食客更好去欣賞魚的鮮味。
帆立貝 ～ 與壽司飯之間加入柚子皮和青檸汁，更能帶出帆立貝的鮮味。
赤蝦 ～ 大大隻，好新鮮彈牙。
九州深海池魚和島根縣池魚 ～ 島根縣池魚上加上大根，辣椒製成的三星漬。
呢係用碗上，下面放有壽司飯，上鋪滿滿自家醃製的醬油漬魚子，入口爆出魚子鮮味， 感覺好特別，好難忘。
拖羅 ～ 用熟成14日大拖羅 ，經過熟成過程，可以軟化拖羅的纖維，更能帶出魚的鮮味。
左口魚邊加上炸香的櫻花蝦，用紫菜夾住食，又香又脆。
手卷 ～ 拖羅切碎，加上黃蘿蔔和葱，捲上香脆紫菜，盡顯廚師的用心，好有特色。
之後再上味噌湯和甜品，我哋呢一餐好抵食嘅 Omakase 就以抹茶蕨餅和紅豆作結。
張貼
