OUC……

營業中

休息中

本身喺附近返工，收工成日同啲同事一齊行奧海城，商場入面啲舖頭已經食到厭🤣所以行咗過嚟櫻桃街哩邊搵嘢食🤤🤤哩間OUC我都bookmark咗一段時間㗎喇，之前見到喺facebook個生蠔關注組都幾出名！作為鍾意食🦪🦪嘅我當然唔會錯過啦！入到黎第一下感覺係：個酒櫃啲酒幾吸引喎😏😏之後老闆娘已經好快，好有禮貌地招呼我同我個fd！令我覺得其實啲香港人真係要撐下本地薑👊🏻👊🏻唔好成日北上消費～老闆娘仲好細心地提我如果嗌生蠔同開酒的話，嗌個set更加抵😍😍幫我慳咁啲錢👍🏻最重要當然係食物質素啦！我地叫咗哩個set有他他，超級香😋！！仲要個底包勁脆🤤諗起都想再食！仲有炸魚炸蝦，個炸粉食得出係用心調過！完全唔厚粉，薄得黎啱啱好👍🏻👍🏻👍🏻最後重頭戲梗係我期待已久嘅生蠔BB啦😍🦪痴線勁creamy!!入口嗰下真係滿滿的幸福😭💓即刻覺得返工咁辛苦為咗哩餐都值🤣仲要嗰set包埋支酒！可以比我地食飽飲醉🍷🍷其實賣咁抵圍唔圍到本㗎🤣🤣整體黎講我地都幾滿意成餐👍🏻性價比超高！大家都比啲機會本地嘅飲食業啦，唔通真係要香港成街都係大陸嘢先識珍惜咩😗以後多啲黎食先！