粥地海鮮粥底火鍋

營業中

休息中

一定要預約，walk in 8成都無位，因為間店唔大，得幾十個位。第一次食叫了海鮮套餐，佢set好左有咩海鮮，成份咁上俾你。都等左段時間先上到海鮮，不竟客人比較多，餐廳得兩個樓面。包埋四款配料，配料就可以自己揀。先食海鮮，每種海鮮都好新鮮，都好好味。D蝦仲生猛到係咁跳。但舊魚淨D, 我同老公都覺得麻麻地。值得一讚係店鋪將d海鮮洗得好乾淨。佢會俾個鐘你計時，同有張紙教你要煲幾多分鐘。食完海鮮就開始食配料，揀左肥牛，牛柳粒，墨丸同生菜，配料就不及海鮮出色但都ok既。最後佢會幫你落埋個粥。整體來說食物質素不錯，性價比高。唯一是環境有點擠迫同嘈。