芭堤雅泰國餐館

營業中

休息中

天氣熱到無晒胃口，朋友提議去食開胃泰菜。炭燒豬頸肉邊位燒到焦香酥脆，有少少脂肪但唔油膩，爽口彈牙，香口多汁。飛天通菜口感爽脆，並帶有微微鹹香。泰式濃香喇沙湯河粉有海南雞同豬頸肉揀。揀咗海南雞，份量頗多，肉質嫩滑。湯底香濃，充滿椰香，河粉滑溜，吸晒啲湯汁精華，啖啖滋味。斑斕香酥多士賣相邪惡吸引！多士酥脆鬆軟，加埋濃郁香甜嘅斑斕醬同椰香滿滿嘅椰汁雪糕，食到停唔到口！芒果沙冰甜度適中，啖啖清爽透心涼，好消暑。