燒肉801

營業中

休息中

今日想食日燒，見美麗華隔離有間日燒，睇吓餐牌都唔算太貴。801盛 大判燒！黑毛和牛肩胛肉-d油花好靚好均勻，其實都幾大塊，燒十幾秒就食得，再點埋d溫泉蛋一齊食，好滑入口即溶。腹前牛小排-都幾厚切，入口好juicy,牛味好重。蔥鹽味雞腿肉-雞肉都幾滑，另外跟多一碟蔥，d雞燒完可以點黎食，都幾惹味。牛舌盛，包括2款味道嘅牛舌，鹽味同醬油，牛舌好爽口，2款都醃得好入味臟盛包括有辛辣味噌牛腸-睇落好似好多肥膏，但燒果時d膏已經少咗好多，食落d油花充滿個口，煙煙韌韌又幾好食。醬油和豚胸腹肉-食落都幾滑，個醬油味醃得啱啱好，唔使點醬油都夠味。九州雞心-第1次食雞心，好爽口，雞心已經切開清咗內臟，食得好放心。每款肉都可以加購冷麵同飯，所以一定夠飽三德利優質麥芽啤酒，個杯都幾特別，飲落好重麥味，唔錯。日本蜜瓜汽水，飲落似蜜瓜新地雪糕味，都幾好飲。