東京チカラめし (已結業)

今日經過新蒲崗，就食左呢間位於新蒲崗Mikiki既東京チカラし，我知道呢間日式連鎖快餐店其實有好多分店，但之前就一直未試過，點知一係唔試，一試就有驚喜，環境裝修都算幾舒適，最重要係味道唔錯，價錢又大眾化，值得讚。燒牛肉丼(配餃子3件)$58.0牛肉分量好多，牛肉汁好好味，加埋三件香脆嘅餃子，真係食到舐舐脷。鹽燒牛肉丼(配唐揚炸雞2件)$58.0肥牛好煙韌，加上鹽燒嘅烹調手法真係色香味俱全，兩件炸雞唔算太肥膩炸得啱啱好。