影片
更多
2023-12-15
112 瀏覽
大瀛喜嘅放題出品不嬲高質，時不時會加入新菜式或者期間限定嘅款式，性價比絕對高！特別係宵夜時段嚟到，人均$300都唔使就可以食到捧住個肚！旺角呢間超就腳，地鐵站一出，樓上就係，同朋友嚟聚餐都係一個唔錯嘅選擇！------------------------------❤️🔥◖晚市放題◗ $268平日晚市8:30入坐，$268就可以食足120分鐘，性價比超高！自助區有沙律、小食同甜品可以拎，上齊菜之前可以食住先，墊一墊胃～/刺身壽司🍣刺身種類幾多，除咗基本嘅甜蝦、帶子、油甘魚、三文魚、吞拿魚、北寄貝、希靈魚，仲有花海蜇、原隻粒貝、松葉蟹腳、磯煮鮑魚等，回本首選！個人推薦佢嘅吞拿魚同油甘魚刺身，油脂豐富好鮮甜；另外佢嘅赤蝦、粒貝同鮑魚都值得叫，都係一啲比較少見嘅款式，而且水準都有返咁上下！除咗刺身，仲有多款壽司同手卷，亦都有深海池魚、油甘腩、左口魚呢啲，花款都幾多！/燒物🍢串燒款式唔多，只有牛舌、鰻魚同羊架，燒物就有燒菠蘿、翠玉瓜呢啲，燒得香口，佢個菠蘿同翠玉瓜都好清甜，啱晒消膩！另外仲有一啲居酒屋嘅菜式，好似西京燒比目魚、蒜蓉帆立貝、芝士黃金醬燒開邊蝦，呢幾款都值得推介，食材用料高質，調味
------------------------------
❤️🔥◖晚市放題◗ $268
平日晚市8:30入坐，$268就可以食足120分鐘，性價比超高！自助區有沙律、小食同甜品可以拎，上齊菜之前可以食住先，墊一墊胃～
/刺身壽司🍣
刺身種類幾多，除咗基本嘅甜蝦、帶子、油甘魚、三文魚、吞拿魚、北寄貝、希靈魚，仲有花海蜇、原隻粒貝、松葉蟹腳、磯煮鮑魚等，回本首選！個人推薦佢嘅吞拿魚同油甘魚刺身，油脂豐富好鮮甜；另外佢嘅赤蝦、粒貝同鮑魚都值得叫，都係一啲比較少見嘅款式，而且水準都有返咁上下！除咗刺身，仲有多款壽司同手卷，亦都有深海池魚、油甘腩、左口魚呢啲，花款都幾多！
/燒物🍢
串燒款式唔多，只有牛舌、鰻魚同羊架，燒物就有燒菠蘿、翠玉瓜呢啲，燒得香口，佢個菠蘿同翠玉瓜都好清甜，啱晒消膩！另外仲有一啲居酒屋嘅菜式，好似西京燒比目魚、蒜蓉帆立貝、芝士黃金醬燒開邊蝦，呢幾款都值得推介，食材用料高質，調味亦做得啱啱好，帶得出食物嘅味道！
/炸物🍘
日式天婦羅有皇帝蟹棒、虎蝦同番薯仔，另外仲有吉列蠔、芝麻雞翼、榴槤炸彈同雞軟骨，略嫌款式唔算太多～必食嘅一定係佢嘅榴槤炸彈，熱辣辣又脆口，包住流心嘅榴槤蓉，正！
/一品料理🍱
之前嚟過一次，覺得佢嘅一品料理款式少咗，有紅燒乳鴿、小龍蝦、鵝腸、鱔球、一口牛、蝦球呢啲小炒類，雖然款式唔算太多，但勝在佢真係炒得有鑊氣！今次多咗清蒸原隻生蠔🦪，連殼原隻上，生蠔蒸到半生熟，裏面肉汁keep住好juicy！
/鍋物🍥
有壽喜燒牛肉鍋、牛乳海鮮鍋同蟹黃粥，仲有啲酸菜魚羊腩煲呢啲特別嘅鍋物，做得都幾出色！雖然呢啲相對上容易飽肚，但係食生冷嘢之前食少少，暖一暖胃都唔錯～
/甜品🍨
多數甜品都係自助區自取，除咗自家製嘅奶凍、布甸之外，仲有任拎嘅雪糕櫃，Häagen-Dazs雪糕杯都係任拎，食完放題食返個甜品啱啱好！最近多咗個item，有榴槤可以食，雖然係急凍嘅，但勝在夠濃郁而且夠清甜！
/飲品🧃
有咖啡機同多款自取包裝飲品，仲有清酒同自家製冷泡茶可以選擇
🌟Encore指數：8.6/10
張貼
