大瀛喜日本料理 (已結業)

每次想食放題都會諗起大瀛喜，佢地呢到效率好高，上菜速度好快，又好少漏單，食物款式又多，質素好高👍🏻仲要價錢唔貴，係性價比高嘅放題！！8:30pm入座每位$248加一，即使平日嘅呢個時段都仲係全場坐滿，人氣旺盛🫣呢到嘅刺身好新鮮，最愛食北海道帶子，鮮甜肥美☺️。三文魚嘅紋理都好靚，仲有鮑片、甜蝦、吞拿魚等等。壽司、卷物款式選擇唔少，鹽燒三文魚腩壽司、芝士黃金軟殼蟹卷、鹽燒左口魚裙邊壽司都好味，重點推介深海池魚王壽司，真係好少放題會有深海池魚王食😍😍至於炸物、燒物、一品料理中，西京燒比目魚、鹽燒鯖花魚、黃金醬燒開邊蝦、鹽燒海蝦、蒲燒鰻魚係我每次都會點嘅野食😛超愛食西京燒比目魚，入口軟腍唔多骨，仲有魚香味，超正😳酸菜魚都值得試，估唔到拍得住專食酸菜魚嘅餐廳嘅味道，夠晒正宗，魚片亦非常嫰滑😚😚自助區設有仲有冷盤、熱湯、甜品、雪糕，蟲草花雞湯超正，足料好飲☺️總括黎講，以呢個價錢食到咁多咁高質嘅食物，真係物超所值！