影片
更多
2023-05-27
30 瀏覽
今日慶祝朋友榮升做老闆，一定要食餐好既，見到呢間新開張，晚市Omakase 價錢好抵，性價比高，於是入去食晚餐😋餐廳有幾點真心值得一讚，職員服務態度好好，非常熱情，師傅一樣都好健談，晚飯結束後，會同大家傾下計飲下酒，呢餐飯食得好開心😊🌟酒類餐廳設有清酒Free Flow, 好抵飲😋餐廳挑選左黎自法國朗格多克既Cornerstone Sparkling做餐前酒，呢款酒果香比較細緻，淡淡地幾配合到3款前菜，尤其瑩光魷魚同明太子蓮藕天婦羅，兩款都做得較為淡味，食落會令海鮮甜味更突出，而柚子水雲既酸味配搭呢款酒，好似食左爽脆清甜水果既感覺，有趣得黎好開胃！加上佢既汽泡感，感覺幫我地洗乾淨舌頭同刺激緊味蕾，咁就可以好好品嘗黎緊既菜式😋中段我地飲左越後櫻呢款清酒，因為屬於辛口類型，好夾到作為熟食部份既煎吞拿魚同燒牛肉呢兩款濃味菜式，食完飲返啖清酒就冇咁膩，不過太刺激就配合唔到之後淡味既壽司了，而且老闆好熱情，斟左大半酒壺俾我地，我地酒量又唔係十分好，飲左好耐都未飲晒⋯最後當然要飲埋餐廳自家釀制既話梅梅酒，老闆亦有細心提醒呢款酒會幾甜，所以最後當甜品黎品賞都唔錯，話梅味幾出，細細啖細細啖咁飲，加上環
餐廳有幾點真心值得一讚，職員服務態度好好，非常熱情，師傅一樣都好健談，晚飯結束後，會同大家傾下計飲下酒，呢餐飯食得好開心😊
🌟酒類
餐廳設有清酒Free Flow, 好抵飲😋
餐廳挑選左黎自法國朗格多克既Cornerstone Sparkling做餐前酒，呢款酒果香比較細緻，淡淡地幾配合到3款前菜，尤其瑩光魷魚同明太子蓮藕天婦羅，兩款都做得較為淡味，食落會令海鮮甜味更突出，而柚子水雲既酸味配搭呢款酒，好似食左爽脆清甜水果既感覺，有趣得黎好開胃！
加上佢既汽泡感，感覺幫我地洗乾淨舌頭同刺激緊味蕾，咁就可以好好品嘗黎緊既菜式😋
中段我地飲左越後櫻呢款清酒，因為屬於辛口類型，好夾到作為熟食部份既煎吞拿魚同燒牛肉呢兩款濃味菜式，食完飲返啖清酒就冇咁膩，不過太刺激就配合唔到之後淡味既壽司了，而且老闆好熱情，斟左大半酒壺俾我地，我地酒量又唔係十分好，飲左好耐都未飲晒⋯
最後當然要飲埋餐廳自家釀制既話梅梅酒，老闆亦有細心提醒呢款酒會幾甜，所以最後當甜品黎品賞都唔錯，話梅味幾出，細細啖細細啖咁飲，加上環境舒服，食飽坐多陣邊品賞邊同師傅傾計真係一流既享受！
10 瀏覽
0 讚好
0 留言
🌟 刺身 x 壽司
師傅預備左好多食材，每樣食材都非常新鮮，本身呢個價錢唔包既，都不惜工本整俾大家食，仲好詳細講解每一道菜，等大家除左品嘗到色香味外，仲對食材既由來，處理方法加深左認識👍🏻👍🏻
八爪魚刺身
巨形八爪魚腳，一條已經長過成隻手臂！
口感非常特別，唔似香港食到既品質，肉質爽身程度有啲似牛柏葉，但係彈牙得黎好易咬開，加上師傅即場刨了柚子皮點綴，食落鮮甜同好清新，非常特別😋
壽司開始都會跟隨由淡到濃的原則一件件為客人手握製作，壽司飯亦會預早在客人面前落醋調味及放涼，而且用上3年陳釀既醋，味道不但不會過酸，仲帶出左飯粒本身小許甜味，令壽司多了層次。👍🏻
最先上的係白見貝壽司，即是一般稱呼做象拔蚌的貝類，呢間餐廳喜歡最後掃上一層薄薄的柚子醬油，等我地食既時候唔需要再點豉油。
每樣味道加埋，就算如之後的銀雪魚，池魚一類白身魚，都唔會搶左魚肉既鮮甜味，加埋小小柚子香，食完都幫助到減輕魚油帶黎既油膩感，好值得讚賞！😋😋
6 瀏覽
0 讚好
0 留言
4 瀏覽
0 讚好
0 留言
3 瀏覽
0 讚好
0 留言
3 瀏覽
0 讚好
0 留言
3 瀏覽
0 讚好
0 留言
5 瀏覽
0 讚好
0 留言
5 瀏覽
0 讚好
0 留言
張貼
