椰林莊餐廳小廚

營業中

休息中

今日去咗屯門食椰林莊最鍾意呢度啲嘢食，因為夠平，而且仲好好味。叫咗個蠔皇琵琶豆腐。蠔皇味道濃，豆腐好滑，一家人食最好。另外叫左個海南雞，雖然唔係好正宗，但雞肉都整得滑，唔會太老，但個味道就有少少淡，可以再香濃d。另外叫左個菠蘿生炒骨。呢味正啦！我最鐘意，酸酸甜甜，加埋生炒骨既肉質滑，食落好有水份。菠蘿仲好新鮮好甜，越食越開胃。最後叫左個薑蔥炒鯇魚，一上菜薑蔥既陣陣香味已經飄曬過黎，特別鐘意呢間野，魚肉新鮮，味道好食，最重要既係，份量夠大。我地四個人食，淨係食左268蚊，真係抵到爛，而且好飽好滿足。下次屋企唔煮就再過黎食！