但馬屋 (創紀之城五期(apm))

營業中

休息中

我叫既係「嚴選牛肉放題套餐」 HKD 199 (有加一收費） 和牛、豚肉任食鍋底：千夜鍋 （清湯）甘露鍋 （甜䜴油）我認為近年來性價比算高既火鍋放題，但馬屋都算係其一。佢食材好新鮮，即使係最平既放題套餐，肉質都唔會差得過其他火鍋店。最抵讚既係好多時候出面啲火鍋放題都係得牛肉好好食，豚肉就麻麻地，而但馬屋既豚肉就好好食，平時唔中意食豚肉既我都叫多左幾碟食！另外就係鍋底好好食，我食既係千夜鍋 (清湯)，我一開始就放左啲粟米、南瓜落去加味，令味道更鮮味，又唔會蓋過左食物原味。而我既朋友叫既係甘露鍋 (甜豉油)，就真係好好食！啲食物熟左之後基本上唔洗點調味料已經可以食得！不過我個人就覺得開頭果陣會食得好開心，但食多陣就會覺得好鹹 (我既朋友一餐入面飲左四罐飲料)。特別想提既係依度既雞肉真係好好食，好似我咁樣成日嘈住話要減肥但又要食既人就啱曬啦，雞肉係我地最好既朋友！！但馬屋既雞肉好嫩滑，雖然塊皮有啲厚，但好容易就撕到落黎 (小編係唔會食雞皮的)，所以成餐基本上我食得最多既都係牛同雞！最最最後就緊係唔少得任食Haagen-Dazs食糕，溫馨提示：雪糕櫃較低溫，基本上我見到每個去拎雪糕既人都用盡佢