博多屋台

營業中

休息中

今日放假同朋友去咗上水踩單車，踩完之後就係彩園商場食埋晚飯，行咗陣最後決定食博多屋台。餐廳提供嘅丼飯同拉麵款式都幾多，而且仲有套餐提供非常吸引。炸唐揚雞軟骨 ($28) : 熱辣辣又脆口，價錢非常合理嘅小食。滑蛋豬扒丼配味噌湯 ($64) : 豬扒大塊肉厚，油炸時間掌握得唔錯，完全無太乾身嘅情況出現，落單嗰陣時叫咗多汁多蔥都做到，珍珠米每粒都沾滿咗醬汁同蛋汁超級正。😍豚骨湯拉麵配飲品 ($64) : 豚片同其他配料份量都多，而且仲有半熟糖心蛋，湯底朋友都話夠味。十貫壽司盛($128) : 估唔到壽司盛都會跟味噌湯同飲品真係非常好，雖然唔係啲咩貴嘢，但係有總好過無。