紅蔥頭

營業中

休息中

深水埗有好多好嘢食，想坐得舒服啲，喺西九龍中心有間專食西餐同鐵板餐嘅餐廳。餐廳裝修好復古，座位舒服，星期五晚上好多人幫襯。餐牌有特色二人套餐，而我哋今次就試咗細個最鍾意食嘅鐵板扒餐🥰 仲包括餐湯法包同嘢飲，價錢相宜1）羅宋湯配法包-上枱時香噴噴，羅宋湯好多料，蒜蓉包香脆2）鐵板肉眼扒-上枱時熱辣辣，黑椒汁淋落去渣渣聲， 肉質先嫩，脂肪分佈均勻。配上香脆嘅薯條同蔬菜，好滿足2）鐵板牛柳拼炸魚-厚切牛柳，好大舊，切落去，顏色粉粉嫩嫩，亦都配上薯條同蔬菜，美味可口！3）凍草子莓莓-飲落好清爽，草莓味突出4）熱熱情玫瑰-好香玫瑰味！