燒肉の牛太・本陣 (創紀之城五期(apm))

營業中

休息中

今次去咗APM嘅燒肉の牛太・本陣🔥之前朋友介紹過佢哋嘅100分鐘「豪華燒肉放題套餐」性價比好高、好抵食，大人只係$339一位，小朋友$169。呢頭ipad落單嗰頭食物就到而且冇漏單👍🏻抵讚！職員態度又好好，有熟食、有沙律🥗有甜品、有飲品任飲、有靚牛肋肉、有牛舌、有羊架、有菠蘿🍍、有蔬菜、有大蝦，仲有我最愛嘅魷魚筒任食😍重點介紹吓佢哋嘅牛肉有原味同埋調味兩款，我自己就覺得調味嘅好好食😋強烈推薦牛肋肉，肉味香濃油花好靚又多肉汁，真係好正！魷魚筒好鮮甜，大蝦都爽口彈牙，點咗秋之限定嘅秋嘢菜五彩沙律同埋秋鮭鏘鏘燒。前者賣相好靚又開胃，後者三文魚好肥美配上時令嘅菇菌，正😍臨走叫咗佢哋嘅秋之甜品栗子抹茶蕨餅，栗子香甜加埋Q彈抹茶味濃嘅蕨餅實在太好味了😋最後仲有一人一杯Häagen-Dazs雪糕送🤩唔怪得知門口長期排晒隊，有興趣試嘅朋友記得提早訂位呀！