影片
更多
2024-05-10
90 瀏覽
大少話佢上次運動會中場午餐時間好多同學去左將軍澳廣場入面嘅馬祖打邊爐(乜依家啲中學生咁懂得享受)，聽佢講左大半晚，加上上次同老公嚟食過晚餐又覺得佢食物質素又唔錯，所以趁學校假期就同佢嚟食個午巿火鍋開心下啦！我地叫左個午巿火鍋套餐B，包一個湯底之外，仲有Prime Grade牛肩胛肉拼無激素豬肉片各一碟，同埋自助區、甜品區同埋飲品區任食任飲。除此之外，仲再送多一杯即沖台式飲品添，$128咁多嘢都真係幾抵哦。湯底我地分別揀咗藥膳田園番茄湯同藥膳椰子清鷄湯。兩個湯底都唔錯，足料又夠味，我嗰個椰子味勁濃，完全係我杯茶。大少嗰個蕃茄湯就仲正，超濃蕃茄味，可以話啲食物煮好唔洗再沾醬都好好味。兩款肉都唔錯，肉質唔鞋而且偏厚有口感。大少話個牛頸脊牛肉濃味又唔會肥，我嘅豬肉片就入口鬆化得嚟最重要仲無豬騷味。其餘各式丸類、菜類同醬油就可以出去自己拎，佢嘅種類都多，而且店員姐姐都會不時去添加同視察自助位嘅衛生，感覺係食得安心又放心。兩杯即沖台式飲品 蜂蜜茉莉花茶同愛文芒茉莉花茶 都唔錯。當然外出雪櫃內嘅飲品同雪糕係都係任食任飲，見到 Movenpick都已經心心眼，我地仲每人食兩杯，真係大滿足呀！ 性價比非
我地叫左個午巿火鍋套餐B，包一個湯底之外，仲有Prime Grade牛肩胛肉拼無激素豬肉片各一碟，同埋自助區、甜品區同埋飲品區任食任飲。除此之外，仲再送多一杯即沖台式飲品添，$128咁多嘢都真係幾抵哦。
湯底我地分別揀咗藥膳田園番茄湯同藥膳椰子清鷄湯。兩個湯底都唔錯，足料又夠味，我嗰個椰子味勁濃，完全係我杯茶。大少嗰個蕃茄湯就仲正，超濃蕃茄味，可以話啲食物煮好唔洗再沾醬都好好味。
兩款肉都唔錯，肉質唔鞋而且偏厚有口感。大少話個牛頸脊牛肉濃味又唔會肥，我嘅豬肉片就入口鬆化得嚟最重要仲無豬騷味。
其餘各式丸類、菜類同醬油就可以出去自己拎，佢嘅種類都多，而且店員姐姐都會不時去添加同視察自助位嘅衛生，感覺係食得安心又放心。
兩杯即沖台式飲品 蜂蜜茉莉花茶同愛文芒茉莉花茶 都唔錯。
當然外出雪櫃內嘅飲品同雪糕係都係任食任飲，見到 Movenpick都已經心心眼，我地仲每人食兩杯，真係大滿足呀！
性價比非常高，所以絕對會再嚟食第三次…第四次……哈哈哈！
張貼
