君怡酒店咖啡屋 (裝修中)

今年揀左君怡去食飯慶祝，因為有麵包蟹同埋movenpick雪糕，晚上6點半開始，大約6:20左右可以入座，被安排坐窗口位，可以睇到街景幾好呀，準時可以出去拎野食，當然即刻去拎海鮮啦，已經多人去排隊啦，可惜麵包蟹之後冇refill過呀，海鮮有長腳蟹、蜆、青口、螺、蝦、小龍蝦，前菜有煙三文魚，螺肉，芝麻八爪魚，泡菜味南瓜，椰菜等等，湯有兩個西湯，有我鍾意飲嘅羅宋湯，可以酸辣啲~熱食都有大約8款左右，甜品好多款，每款都幾好果，尤其提拉米蘇好出色我食左幾件，雪糕反而淋左啲，不過都食左幾杯。今晚坐左大約一半人，所以都幾舒服，侍應收碟速度都幾快，埋單每人唔洗320真係好抵