岩鹽日本料理 (利舞臺廣場) (已結業)

星期日同媽媽喺銅鑼灣時代廣場血拼完，就去附近利舞臺喺<岩鹽日本料理>食晚餐餐廳環境寬敞，坐得舒適，又唔限時，係同三五知己聚會嘅好地方溫泉蛋蟹肉胡麻豆腐沙律 $58豆腐嫩滑綿密，配上胡麻醬好滋味。再加入份量十足嘅蟹肉蟹籽、溫泉蛋及新鮮爽脆嘅沙律菜，簡單又美味三文魚風味卷 $48卷物中間捲住沙律菜，面層係經炙燒過嘅三文魚，再加上三文魚籽同辣椒油，味道層次豐富，微辣幾惹味開胃芒果奇異蝦卷 $68蝦卷面層鋪上清甜多汁嘅芒果、酸甜嘅奇異果、蟹籽及沙律醬，內裡捲住香脆彈牙嘅炸蝦同青瓜絲，口感層次非常豐富，啖啖滿足吉列忌廉蟹肉餅 $58新鮮炸起，裡面係蟹肉兼幼滑忌廉，外層脆卜卜，配上吉列醬食加倍滋味串燒盛盒 $128盛盒共有8款串燒，包括牛舌、雞翼、雞軟骨、甘薯、冬菇、合鴨大蔥串、雜錦夾雞肉丸及日本青椒。我最中意係牛舌，爽脆而且牛味濃郁，而媽媽最愛係雞軟骨，燒得香又有咬口和風牛肉釜飯 $138釜飯係餐廳嘅招牌菜，我地就揀咗和風牛肉釜飯。用漏斗倒數計時1分鐘後就可以打開蓋，再將牛肉、雞蛋、冬菇、枝豆、菠菜同洋蔥等撈勻就食得。和風牛肉軟嫩，而個飯本身都夠味，食到底仲有帶焦脆口感嘅飯焦。最