影片
更多
2019-07-30
85 瀏覽
天時暑熱，放工唔想行街，就決定留係商場食飯。見呢度二百幾蚊食到兩個麵食加三款小食，就決定試一試。首先上來係炒魷魚，炒嘅時間啱啱好，食落去好爽口彈牙。入面用咗薑絲去辟走腥味，食落竟然會有住家菜嘅感覺。好正👍🏻👍🏻咖哩吉列豬排蛋包飯，吉列豬排冇咩肥肉，炸粉都好薄，所以食落去好脆。不過豬排比較乾，建議食嘅時候連汁一齊。蛋皮夠滑，淨係蛋配飯已經好好。至於咖哩似係用平時買嗰種即煮咖哩，整體嚟講，呢個價錢絕對收貨！餃子係即叫即煎，所以上菜嘅時候唔好第一時間就擺落口。如果唔係會燙親。入面材料都好豐富，滿滿嘅豬肉，煎得又夠脆，點埋醋一齊食，正😋南瓜薯餅炸粉都係做到薄同脆，證明師傅落油炸嘅時間掌握得好好。唯一可惜係入面嘅南瓜味道略少，如果南瓜夠甜，配合埋炸粉脆嘅口感，會更上一層樓。最後壓軸登場嘅係海老拉麵，一上菜睇到成碗湯都係蝦米，而湯底完全吸收哂蝦米的味道。叉燒煮得好淋，蝦嘅肉質保持到。整體而言都做得唔錯👍🏻二百幾蚊係夜晚食到五樣食物絕對係值回票價😁
首先上來係炒魷魚，炒嘅時間啱啱好，食落去好爽口彈牙。入面用咗薑絲去辟走腥味，食落竟然會有住家菜嘅感覺。好正👍🏻👍🏻
咖哩吉列豬排蛋包飯，吉列豬排冇咩肥肉，炸粉都好薄，所以食落去好脆。
不過豬排比較乾，建議食嘅時候連汁一齊。蛋皮夠滑，淨係蛋配飯已經好好。至於咖哩似係用平時買嗰種即煮咖哩，整體嚟講，呢個價錢絕對收貨！
餃子係即叫即煎，所以上菜嘅時候唔好第一時間就擺落口。如果唔係會燙親。
入面材料都好豐富，滿滿嘅豬肉，煎得又夠脆，點埋醋一齊食，正😋
南瓜薯餅
炸粉都係做到薄同脆，證明師傅落油炸嘅時間掌握得好好。
唯一可惜係入面嘅南瓜味道略少，如果南瓜夠甜，配合埋炸粉脆嘅口感，會更上一層樓。
最後壓軸登場嘅係海老拉麵，一上菜睇到成碗湯都係蝦米，而湯底完全吸收哂蝦米的味道。
叉燒煮得好淋，蝦嘅肉質保持到。整體而言都做得唔錯👍🏻
二百幾蚊係夜晚食到五樣食物絕對係值回票價😁
張貼
