天下糧倉牛肉火鍋專門店

營業中

休息中

朋友搵我打邊爐話介紹旺角一間和牛牛肉火鍋，相約之下想起我也有去過呢間火鍋放題店，火鍋店唔算好大但座位闊落。我地揀芫茜皮蛋同秘製沙嗲湯底，芫茜皮蛋湯落咗勁多芫茜濃味超級正，沙嗲都係重口味最愛少少辣。和牛牛肉拼盤會即時送上，唔使續樣點就可以食晒包括有和牛在內八種牛肉，鍾意食牛肉一定明白嗰種滿足感，記憶中今次牛肉味更濃，肉質更好，我地半個鐘就消滅咗一盆。其他火鍋配料都好豐富，有豬有羊，多款丸類、腸類、蟹柳、菇菌類、水魷魚、牛百頁蔬菜類，特別在有煙鴨胸、豬頸肉同雞翼，做火鍋配料又幾好食。另外飲品櫃有多款汽水飲品、雪糕都係任飲任食，以二百幾蚊價錢作為任食火鍋係很好嘅選擇。