八方台式麵屋 (九龍城廣場)

營業中

休息中

前日喺九龍城搵朋友食飯， 朋友話呢度有一間性價比好高嘅台灣嘢， 於是大家一齊出去食， 呢間台灣嘢係自助點餐形式， 但係都有人送餐。我叫咗呢個台灣牛肉麵， 牛肉都幾冧， 湯底味道啱啱冇唔會太鹹， 少少辣啱啱好， 軟硬程度都好適中然後叫個小食加咗 花枝丸，呢個真係不得了， 啱啱炸好， 個皮仲好脆， 調味都幾好， 好有夜市嘅感覺朋友就叫咗呢個 滷肉飯， 每舊滷肉都非常之滑， 半肥半瘦， 肉汁調味都唔錯， 而且用珍珠米呢塊豬扒就更加不得了啦， 唔知點解可以煮得咁𣺉， 食落香口之後朋友叫咗呢個鮮紅茶， 茶味都夠濃， 我就叫咗呢個冷泡桂花茶， 由於係冷泡嘅關係完全冇苦味， 再加埋無糖， 啱曬我口味。