阿來泰式地道風味

營業中

休息中

呢間喺旺角鬧市嘅泰國嘢，平日夜晚都好多人等位，我哋今日早少少六點幾就到，不過樓下已經坐滿 要坐樓上嗰層。食泰國嘢，炸蝦餅係必點 $88/6舊，份量都好足 蝦餅彈牙。$88半打串燒 餐廳只提供豬肉同埋雞肉，勁大量沙嗲，沙嗲汁充滿花生碎 好香 食落惹味。豬頸肉炒通菜 $78 份量好大碟，又有肉又有菜 一次過滿足晒兩個願望。不過2個人食唔哂🤣 泰式濕炒河份 $68，可以選擇豬肉牛肉雞肉海鮮同埋雜菜，我哋就要左豬肉。估唔到炒河粉係最好食🤣 河粉係用上一大片嗰隻 偏厚 都幾滑身，除咗豬肉重配咗好多蔬菜 2個人食份量都係幾多下。如果食得辣嘅問職員攞啲辣椒粉配埋一齊食仲更加好食。最後黎一杯椰汁三色冰🙌🏻 透心涼。