燒肉 JuJu

營業中

休息中

佢哋嘅燒肉壽喜燒，真係驚喜到我！套餐入面有大大塊嘅日本A4和牛，仲配埋日本沙律、黃金粟米濃湯同米飯，淨係$148，性價比超高。我仲轉咗日本蛋紫菜飯，搭配真係無得輸。每片和牛油脂雪花紋理細緻，輕輕一燒已經聞到濃濃嘅香味，沾上蛋液，再配埋紫菜飯，真係好正！而壺漬原條蒜香豬腩定食，呢個套餐有泡菜同味噌湯，仲可以揀沙律或者栗米湯，最驚喜係可以免費轉明太子日本蛋烏冬！烏冬加咗明太子、蛋、紫菜、蔥粒同木魚，撈勻食真係好惹味。主菜壺漬原條蒜香豬腩口感彈牙，肉味香濃，外面燒到焦香脆口，配上醬汁更加好味。