西記粥店

營業中

休息中

今日無乜胃口，所以食粥係最好嘅選擇！同屋企人一齊嗌左西記粥店😆我嗌左個狀元及第粥、油炸鬼、鴛鴦米麵、同鮮蝦腸粉！全部都好平啊，性價比超高！狀元及第粥其實就係加豬心、豬潤和豬粉腸嘅粥，個人好鍾意食西記嘅豬潤，唔會好腥，口感有爽脆，十分過癮🤩 仲嗌左條油炸鬼，浸係粥入面食真係一流！👍🏻吸曬粥嘅味道👍🏻呢種食法推薦大家試一試！西記腸粉食過幾次都唔錯，皮滑！今次試左鮮蝦腸粉，鮮蝦好大隻，一條腸粉有3隻大蝦，口感爽脆，蝦味無乜，應該係冰凍蝦，不過依呢個價錢黎講已經非常唔錯👍🏻鴛鴦米麵係屋企人嗌，試左幾啖，味道正常，但係十幾蚊真係好抵🤣