別忘了

營業中

休息中

終於都閉完關考完試，當然要好好慶祝吓啦。有乜嘢慶祝方式好得過食好西？有乜嘢食好西嘅形式好得過任食唔使就住就住。所以我哋就揀咗呢間台式任食火鍋，因為我哋嚟得早，所以未係好多人。見到意粉紅色為主題，都幾靚㗎。我哋揀咗兩個湯底，分別係麻辣湯同埋限定嘅酒香麻油雞。酒香麻油雞望落去會比較油啲，但係佢真係好香酒味。麻辣湯底就唔使特別介紹啦，台式火鍋必食㗎啦。我哋揀咗set B ，以M7澳洲和牛為主打。肥膏比較多嘅係M7牛胸腹，相比普通牛板鍵嚟講，M7澳洲和牛嘅牛尾會比較濃啲，口感都比較有咬口啲。佢呢度除咗啲牛好食之外，啲豬都超好食。我哋呢個餐會有兩款豬分別係西班牙豬同埋茶美豚梅肉。前者個口感會腍啲，後者嘅口感會再嫩滑啲，兩款個豬味都出嘅。除此之外，佢啲熟食都唔錯，其中有新出嘅鹽酥雞扒，真係好鬆軟好滑，最重要係超Juicy。另外每次都必食嘅係花枝丸同埋蝦卷，呢兩款台式小食都好推薦。除咗自己落單之外，仲有啲可以睇自己出邊拎嘅小食，我發現每一次嚟都好似會有唔同嘅款式。當中我哋試咗佢嘅雞翼同埋芋圓波波，個雞翼炸得啱啱好，好嫩唔會好乾。而呢度嘅所有蔬菜都係自助，今日菜嘅款式就剩係得三款啲瓜同菇嘅種類比較多。