馬祖 (將軍澳廣場) (已結業)

消費卷出左，一於食餐好。去左將軍澳廣場馬祖食邊爐放題。兩個鐘任食，我地揀左$298一位，有得任4種牛豬同超過30款既配料。有成12款湯底揀，一人一鍋，夠晒衛生。入座既時候揀埋，一坐個鍋底就送到，即時可以開動。我揀左我最鐘意既芫茜湯底，成鍋綠色，🤪好靚又勁香。芫茜控必選朋友揀左藥膳蕃茄麻辣湯底小辣，蕃茄味香濃。呢個餐4款肉都好高質好新鮮，極上牛頸脊、 Prime Grade 肩胛肉眼、伊比利亞黑毛豬同西班牙無激素豬肉片。我特別鐘意牛頸脊🐂，油花均勻，肉質超嫩，肉汁多肉味又濃。出面有自助邊爐區，好豐富，蔬菜、丸類、雞肉，麵食，仲有飲品同甜品區，夠哂大吃一餐。手打牛丸同芋泥貢丸一定要食呀。牛丸juicy爆汁，貢丸夠特別，打左咁多次邊爐我都未食過。甜品好多選擇，仲有movenpick 雪糕食🤤未食夠兩個鐘已經超飽勁滿足。