影片
更多
2024-05-23
114 瀏覽
滿屋係我一直覺得係全港最高性價比，而食第亦非常高質新鮮嘅一間放題，出面放題冇得食或要加錢食嘅高級食材例如海膽同鵝肝，呢度一個好親民嘅一口價就已經可以任食。夜題好少可樣樣都好食，而呢間放題就兼顧到每一樣美食嘅水準喇。先講講刺身拼盤，每樣我都會叫少少試下貨，而每一樣都冇令我失望，當中視乎個人口味，我就極愛蝦刺身，阿根廷大紅蝦又肥大又鮮甜，而甜蝦同三文魚，我就推介一個最緊網紅好興嘅新食法，拎碗泰色酸辣汁即場玩泰色生醃海鮮，又軟糯又提鮮又惹味，食指大動！前菜亦都好有誠意，好多自家制美食，手拍青瓜、脆腸、筍、仲有鳳爪都好開胃好爽口。而飲品方面，冷飲櫃都好多款式，仲有梅酒同清酒飲。而手卷亦有好多極上之選，吞拿魚蓉、海膽、三文魚籽等等，細細件，一啖一件，完美體驗海之幸的鮮美幸福感。每一口都心花怒放！熟食有幾樣必試，第1係乳鴿，脆皮多汁肉嫩，同酒樓食一樣咁正。第2係牛肉烏冬，細細碗唔怕哂QUOTA，牛肉係安格斯級數，好濃味，個湯底好有牛肉味，想飲埋佢，而烏冬亦係稻庭風嘅，高質呀，有啲想食多一碗。第3樣係串燒牛舌，偏厚切，燒得恰到好處，香口得來有肉汁，食完一串又一串。最後1樣係芝士年糕，食左咁多好野有D
先講講刺身拼盤，每樣我都會叫少少試下貨，而每一樣都冇令我失望，當中視乎個人口味，我就極愛蝦刺身，阿根廷大紅蝦又肥大又鮮甜，而甜蝦同三文魚，我就推介一個最緊網紅好興嘅新食法，拎碗泰色酸辣汁即場玩泰色生醃海鮮，又軟糯又提鮮又惹味，食指大動！
前菜亦都好有誠意，好多自家制美食，手拍青瓜、脆腸、筍、仲有鳳爪都好開胃好爽口。
而飲品方面，冷飲櫃都好多款式，仲有梅酒同清酒飲。
而手卷亦有好多極上之選，吞拿魚蓉、海膽、三文魚籽等等，細細件，一啖一件，完美體驗海之幸的鮮美幸福感。
每一口都心花怒放！
熟食有幾樣必試，第1係乳鴿，脆皮多汁肉嫩，同酒樓食一樣咁正。
第2係牛肉烏冬，細細碗唔怕哂QUOTA，牛肉係安格斯級數，好濃味，個湯底好有牛肉味，想飲埋佢，而烏冬亦係稻庭風嘅，高質呀，有啲想食多一碗。
第3樣係串燒牛舌，偏厚切，燒得恰到好處，香口得來有肉汁，食完一串又一串。
最後1樣係芝士年糕，食左咁多好野有D罪惡感，唔係好敢再食甜品，不如食返件甜甜地嘅小食作結啦，又係果句，食一粒有啲唔夠喉，食多粒又太飽，哈哈，一於諗定下次再黎食過。
張貼
