和氣食堂 (河畔花園)

營業中

休息中

今日嚟到沙田食日本嘢，黎到河畔，呢度都好多好野食！今次就黎到呢間叫和氣食堂嘅日本菜試一試！呢度都幾受街坊歡迎，都唔少人排隊黎食，雖然地理位置冇市中心咁方便，但人氣都唔輸蝕！我地叫左好多野食，首先黎個4點刺身盛，賣相好靚，刺身睇落都好新鮮，大大舊厚切好抵食！甜蝦特別鮮甜，好食！厚燒鰻魚牛油果卷超級好食！上菜熱辣辣，鰻魚真係即叫即燒，辣口超好食！呢個真係必點必食！一定唔會伏！之後再叫左啲壽司，軍艦5點同埋蝦三味，吞拿魚同埋海膽特別鮮甜，呢個價錢呢個質素，邊度搵？仲叫左雞全翼3隻，辣辣地幾惹味，如果可以大隻啲會更正！唔夠喉，好想再encore！到最後就上左芝士厚燒玉子，呢個真係好有驚喜！蛋味勁重好好食！好少何玉子蛋味咁濃咁正，加埋芝士真係不得了唔係講笑！呢餐好滿意！一定會再帶朋友黎食！