更多
2023-03-21
36 瀏覽
今日同屋企人去維園睇完花卉展之後肚餓想食啲嘢,諗住是但求其食啲嘢填飽個肚就算,入咗呢間食粥粉面嘅舖頭,超級有驚喜,食物超有質素,而且價錢非常合理,唔怪得食粥粉面都可以排晒隊之餘,外賣單打唔停。及弟粥超足料,而且樣樣都大大件,非常之新鮮。豬膶厚身爽滑,豬粉腸爽脆,豬肉片同豬肉丸都十分鮮甜!粥底當然滑溜,唔覺有味精,大讚👍🏻麻辣牛筋:牛筋炆得非常之淋滑,麻辣汁完全滲透牛筋,做得非常出色🤤🤤蝦子菜心連菜心都出色過人,因為烚得好淋好綠嘅同時唔會好油,菜心嘅鮮甜加上灑上面的蝦子再調一調味👍🏻👍🏻👍🏻韮黃蝦腸即叫即蒸,熱辣辣新鮮非常,大蝦十分爽滑,大大隻,很新鮮!想食粥麵一定會諗起味滿,一定會再嚟幫襯!
張貼