春嬌越南河

營業中

休息中

竟然今日食到一間性價比極高的越南菜！喺坑口明德商場其實都有唔少餐廳，行過春嬌見到主打越南菜式，突然間都好想食，所以就同朋友一齊入店try try! 餐廳環境寬敞舒適，雖然裝修不華麗，但感覺很實在，每一款食物價錢合理，店員亦都好有禮貌！越南脆炸蝦餅$46蝦餅超大塊切開一件件，香脆可口。鮮蝦味道濃郁，十分彈牙。上面更有非常多的香蔥和炸蒜，增添惹味。生菜包烤牛肉$58平時食生菜包主要食豬肉，見佢有牛肉選擇就試吓佢。賣相雖然黑蚊蚊，但估唔到味道又唔錯。調味非常濃郁，配上爽脆清淡的生菜，夾埋食不用醬汁已經好好味!鴛鴦蝦春卷金邊粉 $48春卷呈網狀，外皮十分香脆，炸得真係唔錯。金邊粉爽滑，湯底夠清甜，加入超多炸蒜和香蔥，香氣十足。越式香茅雞翼 $48香茅味不算太濃，但雞翼外脆內軟，雞肉有肉汁不乾身，調味剛好，咸甜得宜。