又一 (已結業)

邊個話聖誕大餐需要四位數字，呢一間小店行親民路線，食物質素仲要唔差，上OpenRice平台仲可以平過原價添！餐廳環境亦都已經佈置好滿滿嘅聖誕裝飾✨慢煮鵝肝飄雪•無花果沙律擺碟帶有聖誕節嘅冬日夢幻，慢煮鵝肝用左即刨嘅方式灑在沙津菜上，帶點慕絲嘅質感，釋放出豐潤嘅風味，無花果沙律則為這道菜增添了清新。✨紅菜頭椰子忌廉湯色澤鮮豔，口感綿滑，紅菜頭嘅蔬果味道四溢，係一個令人意想唔到嘅配搭！✨灸燒北海道帶子•海鮮番茄意粉海鮮爆棚嘅意粉，有象拔蚌、帶子、海量蟹肉，加入清新嘅菠菜同蕃茄，整體非常鮮味，酸甜平衡！✨紐西蘭熟成西冷配上烤日本南瓜•泡沫忌廉薯蓉，淋上香醋汁，擺盤有一種高級感；西冷肉質嫩滑，牛肉味道濃郁，肉香四溢！✨火焰聖誕樹頭蛋糕聖誕不能沒有嘅樹頭蛋糕！蛋糕內層鬆軟，融合左朱古力同雲呢拿嘅味道，外層光滑嘅棉花糖面層亦都甜而不膩，加上火焰效果，更加有節日嘅氣氛。✨愛麗絲魔法藥水用愛麗絲作為主題，以魔法縮小藥水為設計理念，飲落去其實係藍柑檸檬梳打。✨魔法玫瑰特調呢杯用咗美女與野獸作為主題，玻璃罩內係一個粉紅色嘅玫瑰，倒上果酒飲落去易於入口！