上海萬家村小館

營業中

休息中

星期一下午茶時段，大概3點門口已排了幾位客人，大概等了15分鐘就有得入去。餐廳環境不大，又因為禁聚令隔開餐枱就更顯狹窄。但相比其他舊式餐廳，眼見的地方已算企理。叫了一籠小籠包($40) 和一碗牛腩擔擔拉麵($42) 跟餐2個生煎包 和兩杯豆漿。先評價牛腩擔擔拉麵超驚喜，性價比極高。牛腩炆得好淋、唔老；牛筋彈牙、黏牙、很入味。而且仲要俾左滿滿一碗嘅牛腩、牛筋，大大舊都起碼有6、7舊。湯底我選了擔擔麵湯，杰身、少辣，加上肉燥和花生，口感和味道都非常好。本人非常喜歡擔擔麵，我認為他的湯底已出色過不少連鎖上海餐廳。一整碗下來就是有點膩，但絕對是回頭之選！評價小籠包出籠熱辣辣，但湯汁少，沒有鮮味，豬肉也沒有太多肉味，就像超市急凍小籠包一樣，但勝在便宜抵食，$40可以坐低食籠熱辣辣的小籠包，也不好多説了。評價生煎包下午茶麵食跟餐我選了生煎包，不同於其他店鋪的生煎包，包裏沒有湯汁、較乾，豬肉也是沒有太多鮮味，就係普通菜肉包一樣，有點失望。但都係嗰句，跟餐就不好太多要求了。總括而言，下午茶抵食，性價比高，值得大家一試。