千両 (港威商場)

營業中

休息中

食過千両好多次，今次就寫下食評😋千両雖然好多時都要排隊，不過好彩等左15分鐘就有位。第一就係叫個茶碗蒸先，熱辣辣香噴噴，入面有蝦有元貝，好味道。叫左7款壽司，有八爪魚、魴鮄魚、鯛魚、珍寶帶子、三文魚腩、沙甸魚、珍寶赤海蝦。每樣魚生都好新鮮，有甜鮮味，最好吃係珍寶帶子，又甜又厚肉又軟林，其次魴鮄魚都好少食，肉質紮實，味道鮮甜，而沙甸魚比較特別，食罐頭就食得多，同埋通常會較腥，估唔到壽司竟然唔腥，重有重獨特嘅魚味。之後再叫左啲燒物，有牛舌、豬腩肉、雞翼、雞泡魚乾，最後叫左個牛肉雪見烏冬。個燒雞翼尤其出色，燒得夠乾身又夠味，不錯👍