886巷 (已結業)

今晚朋友嚟屋企食飯，又無時間落廚，之前喺另一個朋友屋企食過886巷外賣，覺得幾好食，今晚就再叫呢間外賣自取。黑金剛牛尚燒、大腸包小腸、黃金芋圓球同埋九份手工仙草芋圓 都幾樣都係之前喺朋友屋企食過覺得好食再encore嘅。我另外再買左西屯魯肉飯、鹽酥雞、地瓜條、月亮蝦餅同埋紅豆捲餅😋。黑金剛牛尚燒係牛肉版叉燒，牛肉醃得好入味，好有‘𡁻口’愈食牛肉味愈濃郁。魯肉飯肉燥嫩滑，入口即化，好好食，似記憶中喺九份食嘅味道！一大盒好快比我哋清晒！至於大腸包小腸完全係喺台灣夜市食嘅味道☺️鹽酥雞同地瓜條都炸得好脆口，又夠入味，黃金芋圓球外脆內軟好香又唔太甜、紅豆餅紅豆蓉夠幼滑甜度剛好，月亮餅皮薄口感唔錯煎得好香口，令人一啖接一啖咁食唔停！最後當然係甜品埋尾手工仙草芋圓，呢個仙草芋圓係要重點推介，好足料，仙草嫩滑滑甜、芋圓好煙韌好食，食完好滿足😌整體嚟講呢間餐廳勝價比好高，食物高質價錢又平，絕對抵食👍🏻👍🏻