御滿屋日本料理

營業中

休息中

今次叫左最經典款既set A，款式選擇都幾多，單單刺身都起碼有十幾款，整體都幾新鮮，當中三文魚鮮美肥厚、阿根廷赤蝦爽口彈牙最為出色！仲有唔少特色卷物壽司，size細細件，可以試唔哂唔同款，其中海膽手卷味道都唔錯，唔會太腥有臭味～～另外熱食方面，推介熱辣辣既瑤柱海皇粥，粥煲到好綿密，另加左大量芫荽，香噴噴～牛肉壽喜燒鍋味道都唔錯，唔會過咸，仲有少量粉絲吸收哂啲精華～串燒燒物燒生蠔必食，擺滿滿既蒜燒到勁香口，而且幾新鮮；燒牛舌爽口彈牙；鹽燒海蝦都幾出色，燒到剛剛好，而且調味唔會過咸～炸物方面椰汁流心球咬落即刻爆哂汁，味道似包左西米露，外層煙煙韌韌，可以一試！自助區內有酒精區域🥃：梅酒、熱凍清酒任飲，超吸引🤩，甜品雪糕亦非常多選擇，仲有有movenpick, haagen dazs簡！