意寧谷

營業中

休息中

訂左package staycation, 其中包 Nicholini 4道菜晚餐！個氣氛超好，暗暗地，枱與枱有一定距離，傾偈唔會嘈到隔離，樓底高，雖然係睇得出好耐歷史，啲傢俬擺設都舊，但都好有懷舊味嘅。4道菜有三文魚他他、虎蝦長通粉、西冷（主菜都有魚揀）、同甜品（佢每道菜都有二揀一）仲有個前菜小食同麵包。個人覺得個西冷非常唔錯，三成熟，上碟個顏色好靚，好有牛味，而個甜品我揀左雪糕蛋糕(掛住食唔記得影)，好清新開胃，仲整得好靚添。食得出用料靚，廚師功架好，擺盤唔錯，係覺得個麵包可以好啲，整體上呢樣失色啲。以package嚟講，性價比算幾好。