牛摩+ (沙田中心) (已結業)

話說女朋友就好鬼鍾意打邊爐，今日同佢係沙田行街，行行下條友話想食野，起初佢話食咩都冇所謂，咁我就求求奇奇叫佢食譚仔啦，點知條港女就串串貢咁講：矣又潭仔熱氣到食。咁我就同佢講晏就打邊爐囉點知佢二話不說好呀好呀，我心諗我講下炸wor🌚雖然諗就咁諗但咪又死死地氣同佢去左牛摩同邊邊佢。我地要左個$98，食最普通既豬牛雞，98蚊黎講啲質素真係唔錯，不話就要等耐啲因為豬牛雞都要人攞既，除左肉類，都仲有好多丸呀菜呀可以自己任拎既，最吊鬼既係有牛肉炒飯呀，因為有時打邊爐都想食下飯暖下個胃。仲有最正係有乳酪嘛。總之性價比真係冇得輸。