Eden

營業中

休息中

早餐$50起跳，諗住應該唔差，一於試吓。叫了花枝丸煎雙蛋肉燥新竹米粉配奶茶，想飲咖啡就要加$5，台式咖啡一向走小確幸風格，咖啡味不濃不提神，要加錢就冇乜意欲想試。奶茶紙杯上，已經加埋糖，台式奶茶風格也是不濃不醒神，溫度算適中，有少少香味。新竹米粉有部分未煮透，要推落碗底浸耐啲。煎蛋不錯，係我喜歡的荷包蛋。花枝丸有兩粒，咪道同平日買到的一樣。肉燥好差，應該係罐頭貨，基本上全部都係肥豬肉，唔香亦唔好食，再有機會，會叫佢走肉燥。湯底大路，冇乜特別，預咗。員工掛住打機，早市四個員工真係擔心老闆輸死。最平收$50+ 一個早餐，水都冇杯又要自己行出去俾錢，既不是商業區又不是遊客區，性價比偏低，$40會比較合理。