影片
更多
2023-01-30
127 瀏覽
難得入一次黃金海岸無咩餐廳揀，揀咗呢間食午餐，成餐飯都食得唔係幾開心。客人唔多但啲伙記成日唔知行咗去邊，做嘢又求其，比錯單落漏嘢，被佢教訓都算，啲紙飛過嚟，嘢食勁大力扔落嚟，等極無人加水，成三個伙記企埋一齊同另一枱嗰bb玩。已經成肚氣，啲嘢仲要貴夾唔好食，荷葉飯$98好似食緊豉油撈飯咁，無乜餸又無乜荷葉香氣，好油但唔惹味。$78鎮江水晶肴肉拼雲南木耳，得6小舊肉同落咗好多醋嘅雲耳。特點$48燕窩流沙包嘩眾取寵，根本食唔到燕窩味，純粹比個籍口收貴啲。叉燒腸粉$45幾多叉燒但係比出面細份又無啦啦有幾舊瓜係入面🤔嗰口感好唔夾喎。椒鹽鮮魷魚鬚$78，椒鹽味唔重不過算幾好食。流心鵪鶉蛋燒賣$48都唔錯，個比例啱啱好，蛋中間有流心，一籠得3粒有得少。$68鳳爪排骨煲仔飯中規中矩，香味唔夠。總結味道中下，色香味都無但價錢偏貴，服務態度都唔好，見咁多人食晚市邊爐可能我哋揀錯時間嚟😵💫
已經成肚氣，啲嘢仲要貴夾唔好食，荷葉飯$98好似食緊豉油撈飯咁，無乜餸又無乜荷葉香氣，好油但唔惹味。$78鎮江水晶肴肉拼雲南木耳，得6小舊肉同落咗好多醋嘅雲耳。特點$48燕窩流沙包嘩眾取寵，根本食唔到燕窩味，純粹比個籍口收貴啲。叉燒腸粉$45幾多叉燒但係比出面細份又無啦啦有幾舊瓜係入面🤔嗰口感好唔夾喎。椒鹽鮮魷魚鬚$78，椒鹽味唔重不過算幾好食。流心鵪鶉蛋燒賣$48都唔錯，個比例啱啱好，蛋中間有流心，一籠得3粒有得少。$68鳳爪排骨煲仔飯中規中矩，香味唔夠。
總結味道中下，色香味都無但價錢偏貴，服務態度都唔好，見咁多人食晚市邊爐可能我哋揀錯時間嚟😵💫
張貼