大瀛喜日本料理 (已結業)

（（大瀛喜 ））性價比一流嘅放題😋今日同朋友食左一間性價比正到癲嘅放題🤩🤩我哋5點鐘入座，食到7點，兩小時任點任食埋單人均唔過$300❤️自己平時食開另一品牌放題，今次食呢間見有唔少驚喜位，例如自助區佢哋有好多款雪條、甜筒任食；又有自助雪糕機🍦有糖水、湯、熟食、壽司、小食、炸物、冷盤、前菜、水果，仲有甜品區，選擇非常多🤤🤤雖然我地5點入座，未到晩餐時間，但係現場所見已經坐滿曬人，我哋把握時間，都即刻QR Code落單☺️一落單發現有好多新奇野食，例如乳鴿、酸菜魚、蒸生蠔等…🤤🤤而且質素都唔錯👍刺身選擇多，就連好多地方麻麻地嘅玻璃蝦、甜蝦都好新鮮😋而且仲有長腳蟹、酸飽魚同原隻螺片🤤🤤今次我都點左好多壽司類🫣🫣因為真係太好食啦，特別係柚子油甘魚😋食落好鮮甜，又清新😍熟食都值得讚嘅一口牛柳粒，好香口🤤花膠又腍又彈牙、酸菜魚魚肉夠嫩滑、仲有芝士蝦同比目魚扒都正🤤而家秋風起，好多地方都有得食大閘蟹，呢間就比較人性化，每隻$10！個人感覺都幾抵食☺️飯後一定要食甜品放題-榴連🤤🤤雪糕🍦雪條我地一人食左四嚿，好香好綿😍😍以後想食榴連，放題都係一個好選擇😝呢間以後可以bookmark回訪🥰📍 大瀛喜日本料理