本家韓國料理

營業中

休息中

朋友生日，佢話呢間好難book位，所以特別嚟試吓。一上到去真係超級多人喺門口排隊，好彩預先book咗位。見啲侍應姐姐都好忙，坐低想飲杯啤酒先，都好難叫到一個姐姐停低。叫完嘢食，先上咗幾碟前菜，味道係唔錯嘅，前菜黎講特別鍾意碟薯仔。因為幾個女仔食唔到好多嘢，雖然間嘢出名醬油蟹同燒鱔，但係結果冇叫。泡菜薄餅冇乜泡菜味，味道可以。跟住我哋點咗牛舌同埋牛排骨黎燒，呢間嘢比較好，因為佢啲姐姐會幫我哋燒，自己燒會成日燒燶晒，嘥晒啲嘢。但呢2個肉都整得幾好味，唔似出面啲韓燒就咁醃到d肉無哂肉味。另外仲點咗個魷魚，少少辣，都係味道唔錯嘅選擇。出面啲韓燒唔會有催促嘅感覺，呢到因為d姐姐好急趕好忙，搞到我都食得有啲緊張。整體感覺ok la，價錢偏貴，出面啲韓燒唔會有催促嘅感覺，但係呢度感覺就好趕好緊張。