快樂小羊火鍋料理 (銅鑼灣廣場一期) (已結業)

好耐冇去銅鑼灣呀，今日約咗朋友去銅鑼灣廣場一期4樓快樂小羊打邊爐食中午，佢中午有個人餐98同118元都好抵食，一個餐有一款肉同一份海鮮，另外加少少錢就可以有多一份肉，超抵所以我哋都有加到。地方環境好，座位又夠寬敞，店員服務又好又快，好周到，一到步就會問你想坐，可以一齊坐又可以對住坐，之後好快就會幫落底湯拎個爐，我哋追加咗肉，同埋喺出面有個蔬菜bar，都食咗兩轉菜，食埋麵都係一個鐘頭左右，所以就算打工仔一個小時食中午飯都夠時間打邊爐㗎。肉類我哋揀咗女士肥牛，大片羊，黑毛豬，羔羊上腦肉，快樂卷，全部都好正，覺得羊肉同牛都好好食，新鮮肉甜，海鮮呢就有魚腩，丸，響靈，同鮮蝦，魚腩肉嫩又無骨，食落淡淡肉，好滋味，鮮蝦都肉質彈牙，好新鮮，最後食埋嗰面，有出前一丁同唯生面，好食，蔬菜花有幾款菜生菜，旺菜，金菇，木耳，粟米，冬瓜，蘿蔔等等，飲品我哋揀咗巨峰提子同青檸梳打，食得好開心，滿足又飽飽，下次再同朋友一齊食傾下偈。