丼丼亭 (翡翠明珠廣場)

營業中

休息中

入電影院前最好可以在附近吃飯，抓緊時間直至最後1秒先入場，等都等得舒服啲。呢個亦都係響翡翠明珠廣場嘅丼丼亭其中一個好處。唔知到底係佢哋定對面間餐廳打瀉醋埕，一入去就聞到一陣酸嘅味道。呢一點響環境度扣咗好多分。我叫咗一個天婦羅飯+燒三文魚鮫定食。天婦羅好一般，南瓜青椒茄子蝦各一件，粉漿唔算厚，但感覺相當油膩。雖然佢唔可以將佢同天婦羅專門店相比，但始終有一段距離。燒三文魚鮫反而唔錯，魚鮫嘅脂肪比較多，燒完之後油香好好，魚皮都唔腥，平時只係魚鮫最少都賣$4x ，$88一個套餐性價比算唔錯。