金裝燉奶佬餐廳 (嘉湖新北江) (已結業)

今晚有一條友晚餐就求其響街食吓，快靚正梗係揀返茶記啦！就黎左金裝燉奶佬。天氣咁熱都唔想食飯，晚餐其中一個係金菇炒牛肉河，就選點呢一個。點知上到枱唔算太熱，應該唔係新鮮炒起，味道亦都淡淡地唔係咁惹味，就算加埋辣椒醬味道都只係一般。牛肉好大亦好淋但無咩味，明顯係經梳打粉醃製後嘅效果。雖然都冇預茶記會有好回味嘅表現，但今餐真係好麻麻。。。。