水門雞飯 (汀角路) (已結業)

啱啱係日本番黎，想平食泰國野，係大埔附近放工，近近地就食水門雞飯啦。大約七點去到，唔駛等位好好彩咁啱有人走，一行兩人一個叫左雙拼飯，係水門雞拼炸雞飯，另外一個係食pad Thai 。 雙拼飯送個湯，係超級濃黑椒味既湯，同平時海南雞飯湯有少少唔同，個黑椒味好好欣賞呀：）個雞飯我無特別加錢轉雞脾，不過都有兩塊雞脾肉，全部肉都好入味又滑。padthai 都係正常水準呀！兩樣野加汽水$124 ，係比唔上係泰國食架喇(泰國食可能$40，$50)，不過香港食到一百頭都算係咁！