影片
更多
2021-07-18
440 瀏覽
今晚唔使急最緊要快, 拿拿林搵個地方拍好我部倫敦的搵個地方食晚飯, 最方便就係車仔麵或茶餐廳, 今晚黎村爺爺食車仔麵, 反正好耐冇食了。店舖以簡單的老香港車仔麵店裝潢, 簡潔企理。餐牌更簡單, 清一色只做車仔麵, 車仔麵餸款式大路傳統食物, 鹵水雞翼尖、鹵水大腸少不了, 星期一至星期五食車仔麵送紙包飲品, 學生哥食最抵, $28有3餸一麵兼有飲品, 真係平到笑。村爺爺最正係車仔麵及餸分開上, 唔使搞亂湯底嘅味道。我今日叫咗個龍蝦湯底四餸配手打烏冬, 太耐冇食車仔麵其實好多野都想食, 所以追加咗好多樣餸。先呷幾口龍蝦湯, 龍蝦湯底以龍蝦殼及龍蝦頭淆製, 入口很香濃, 有龍蝦膏的鮮香, 齋飲湯鹹了少許, 做湯底鹹度就剛剛好, 手打烏冬吸收了龍蝦湯的香味, 煙韌爽滑, 好好味, 呢$10抵加。村爺爺嘅鹵水膽很醇厚, 滷水香料足夠, 醬油鹹香得黎不死鹹, 佢哋嘅車仔麵食材浸得好足時間, 所以極腍極入味。猪腸 ~ 個人車仔麵必選食物, 鹵得非常入味軟腍, 帶少許肥膏, 咁香肥美, 同豬手一樣咁好食。牛肋條~ 牛肋條肥瘦適中, 夠香夠淋。豬手 ~ 又係我既必選食物, 豬手骨膠原非常豐富, 猪皮香
店舖以簡單的老香港車仔麵店裝潢, 簡潔企理。
餐牌更簡單, 清一色只做車仔麵, 車仔麵餸款式大路傳統食物, 鹵水雞翼尖、鹵水大腸少不了, 星期一至星期五食車仔麵送紙包飲品, 學生哥食最抵, $28有3餸一麵兼有飲品, 真係平到笑。
村爺爺最正係車仔麵及餸分開上, 唔使搞亂湯底嘅味道。
我今日叫咗個龍蝦湯底四餸配手打烏冬, 太耐冇食車仔麵其實好多野都想食, 所以追加咗好多樣餸。
先呷幾口龍蝦湯, 龍蝦湯底以龍蝦殼及龍蝦頭淆製, 入口很香濃, 有龍蝦膏的鮮香, 齋飲湯鹹了少許, 做湯底鹹度就剛剛好, 手打烏冬吸收了龍蝦湯的香味, 煙韌爽滑, 好好味, 呢$10抵加。
村爺爺嘅鹵水膽很醇厚, 滷水香料足夠, 醬油鹹香得黎不死鹹, 佢哋嘅車仔麵食材浸得好足時間, 所以極腍極入味。
猪腸 ~ 個人車仔麵必選食物, 鹵得非常入味軟腍, 帶少許肥膏, 咁香肥美, 同豬手一樣咁好食。
牛肋條~ 牛肋條肥瘦適中, 夠香夠淋。
豬手 ~ 又係我既必選食物, 豬手骨膠原非常豐富, 猪皮香軟入味, 豬筋的部分帶點爽口, 同樣美味, 寫寫吓都想再食了。
牛筋 ~ 呢個唔使講啦, 只要鹵得夠火喉夠腍, 就已經非常滑溜好味了。
簡簡單單又一餐
張貼
