品越越式料理 (康怡廣場北座)

營業中

休息中

星期六睇戲前嚟食個快晏，基本上就算㩒完飛等兩個號碼都即刻有檯。我同另一半一人一個餐加個小食，等左十分鐘就有得食。另一半叫左呢個皇牌湯河，叫得皇牌以為應該有返咁上下水準，點知⋯有好兩舊牛肉係靭到咬唔到要放棄，湯底係普通清湯，雖然份量多，但係啲粉淋左加埋清湯會食到好漏。我係食到一半先醒起冇影碗蝦餅扎肉撈檬😆上菜時已經聞到個蝦餅嘅香味，應該係啱啱炸起，食落彈牙有鮮味。扎肉同一般食到唔同，冇咁重香料味，而且入面有啲肉粒，口感有點似加左蘑菇嘅火腿咁，另外啲檬粉好多好多，好似食唔完咁。呢個優惠價嘅酸辣鳳爪都唔錯，都有好幾隻鳳爪，味道夠酸但未算好辣，都好醒胃嘅。埋單$201蚊，整體來說不過不失嘅。