快樂小羊火鍋料理 (銅鑼灣廣場一期) (已結業)

只係幾百蚊就買得到既快樂。打邊爐既食材真係好緊要,快樂小羊既食材質素有保證,好多都係有冰座上,可想而知有幾新鮮。叫左一碟青口、帶子、鮑魚,樣樣都係冰鎮,仲要有花既裝飾,好睇又好食,帶子好q彈,鮑魚味濃郁、鮮甜味明顯,青口清甜肉鮮。肉方面用優惠,加28蚊有一碟羊肉片,羊肉唔羶。女士肥牛我叫左最細份既,但都夠食,肥牛卷既脂肪含量唔係好高,我地食得安心。呢度仲有蔬菜吧,任添蔬菜,好食得黎又貴。同埋呢期多promotion,掃碼就送楊枝甘露,食得好濃既芒果味。另外仲有「吃300送300現金劵活動」添!