影片
更多
2004-12-09
16 瀏覽
12月3日與午餐相距成八個鐘咁滯,先食第二餐,六點幾已到達上址,因為大皇有令要上來拍野,未拍前其實都幾驚同緊張,點知到我同甜小姐時,竟然不能上網都突然可以上載資料放出來,真奇怪!!到差不多時間,就四人成行落去接人,其實七點之後,呢道既拉客情況都幾勁,同新來者上去時,可能當中有人太善良,以致比拉客者迫埋牆角, 好似想溶左佢地咁,好彩有人衝埋去勇救佢地.其實上去前,最好知部”車立”係邊,同埋唔好接任何一張傳單,咁就唔會有咩事發生喇!成三十幾人一齊食飯,咁大個人都係第一次咋,所以索性邊食邊等,但食前就先解決娜小姐自家製既超靚蛋糕,如果唔係最後有人估中用料係咩,我就真係無咁叻估得中喇!!又適逢當中有人生日,咁就成三十幾人賀賀佢,個氣氛都幾溫馨架!!其實印度野,我估除左烤餅,我真係一樣野都唔曉叫,不過大多數每回既食家聚會,都有位勁人落單,所以都唔係好駛惆悵叫咩食好,今晚就食左下面個幾味.**排名分唔到先後**印度啤酒~~非常之易入口既一隻啤酒,並未覺有任何苦味,如果出面有得買就好喇!!咖喱角~~係門口時,已經有人嚷著要食呢個喇,個賣相都真係幾得,成個金字塔咁款,咬落就有少許硬,但硬中亦帶脆,入面
與午餐相距成八個鐘咁滯,
先食第二餐,六點幾已到達上址,
因為大皇有令要上來拍野,未拍前
其實都幾驚同緊張,點知到我同甜小姐時,
竟然不能上網都突然可以上載資料放出來,
真奇怪!!
到差不多時間,就四人成行落去接人,
其實七點之後,呢道既拉客情況都幾勁,
同新來者上去時,可能當中有人太善良,
以致比拉客者迫埋牆角, 好似想溶左佢地咁,
好彩有人衝埋去勇救佢地.其實上去前,最好知
部”車立”係邊,同埋唔好接任何一張傳單,
咁就唔會有咩事發生喇!
成三十幾人一齊食飯,咁大個人都係第一次咋,
所以索性邊食邊等,但食前就先解決娜小姐自家製
既超靚蛋糕,如果唔係最後有人估中用料係咩,
我就真係無咁叻估得中喇!!又適逢當中有人生日,
咁就成三十幾人賀賀佢,個氣氛都幾溫馨架!!
其實印度野,我估除左烤餅,我真係一樣野都唔曉叫,
不過大多數每回既食家聚會,都有位勁人落單,
所以都唔係好駛惆悵叫咩食好,
今晚就食左下面個幾味.
**排名分唔到先後**
印度啤酒~~非常之易入口既一隻啤酒,並未覺有任何苦味,
如果出面有得買就好喇!!
咖喱角~~係門口時,已經有人嚷著要食呢個喇,
個賣相都真係幾得,成個金字塔咁款,咬落就有少許硬,
但硬中亦帶脆,入面既係咖喱薯仔,味道好鬼夾,
薯仔已經整到好林喇,不過我食左一半,就因為覺得辣,
而放低左無食,如果我唔覺得辣,我一定成舊拍晒入口架.
甜乳酪~~其實仲有鹹味架,不過拎到黎時,
我地已經有兩杯在手喇,所以呢杯比左其他人飲,
側聞鹹既係正宗一點,不過既然比左人,
就無謂拎番啦!!本來杯甜既,係三個人
分享一杯既,不過食食下,就變左我
一個人飲一杯,只因呢杯野可以解辣,
咁當我覺得某種食物好辣時,呷一啖,
口腔內既辣味,就隨著乳酪而進入體內,
呢杯野簡直就係我既救星呀,不過我返屋企
同我個妹講時,佢竟然話我一啖砂糖XXX,
真係比佢激到啤一聲!!不過諗落又不無道理,
咁事實係丫嘛,嘻嘻!!
串燒五香雞件~~唔明點解叫串燒,明明係鐵板上架,
拎左一舊同友人分享,舊肉橙橙地色既,食落有少少辣,
仲越食就越辣,好彩有救星係隔離,雖則如此,
但我覺得個雞都幾滑幾好食架.
鐵板串燒鮮魚件~~另一鐵板上檯之作,
食落都幾欣賞,起碼唔係炸左先拎上黎,
入口都好嫩滑,呢個我就獨自食左一件.
印式薯仔沙律~~見個樣,就直覺佢係幾辣
既物體,所以拎時,我就只係象徵式拎左少少,
果然無估計錯誤,我試左少少就放棄左喇!!
腰果濃汁滑羊肉~~其實除了羊,雞同魚都有既,
話就話係用腰果做汁,不過我就唔係好食得出有腰果味,
不過唔緊要,最緊要係我好鐘意呢個汁,
唔辣之餘個汁都幾濃,加埋入面既蛋同肉類,
真係一絕,呢個係我成晚第二食得最多既食品.
免治羊肉~~望落去,好似我地成日食既蕃茄免治牛炒蛋,
呢個又係幾好食既一款.
炒飯~~當晚有兩款炒飯的,我就真係唔知邊個打邊個,
不過兩個都炒得好乾身下,入口仲一點兒油膩感都無,
唔錯!!
烤餅~~據聞叫左幾隻味架,不過我可能拎左
幾次都係同一款,又或者分別不太,所以我覺得
味道似乎係一樣囉,但我就好鐘意食,
一來熱辣辣,二來用呢個去蘸汁食,
就真係好食到爆燈,仲記得有次睇某台,
講那些在港聚居既印度朋友,話其實烤餅既
正宗食法係包住那些有汁既食物黎食既,
而唔係好似我地咁,用黎蘸汁食既,
但個人認為,正宗有正宗食法,但如果其他食法
又無傷大雅既話,應該也沒什麼所謂吧!!
另我都幾欣賞呢度既食物,因為佢係標榜即叫即製,
可能要花少少時間去等,但我寧願比時間去等新鮮
炮製既食品,都唔願去食凍冰冰既快餐式食品喇!!
查實呢晚我唔止食左咁少野架,不過好多樣野,
我都唔知佢乜水,同埋好多樣野,係我拎既時候,
都得番汁咋,所以唔寫囉,又我其實係勁唔食得
辣既人黎架,所以個日參加都係湊熱鬧
多過去食野,不過成三十幾人共晉晚餐,
又真係幾熱鬧同好好玩架,希望下次見到你啦!!
張貼
