影片
更多
2011-02-25
35 瀏覽
心血來潮突然想食個厚厚嘅多士，要有豐富牛油香味果種...可惜屋企附近茶記一隻手數得晒，而且水準無間合格，把心一橫由鑽石山屋企到跑馬地街市食個早餐，聽起黎雖然瘋狂，但為左果份厚厚嘅多士，香滑嘅奶茶同埋超好味嘅雪菜，坐40分鐘車黎食都值得！坐低快快手即叫呢個雪菜拼炸片頭出前一丁，呢度嘅雪菜唔係其他茶記果啲得個鹹字嘅罐頭貨色，而係望落色澤鮮艷，咬落去爽口新鮮果種。雖然麻油老妖曾對呢度嘅雪菜讚不絕口，但大家姑且信佢一次，呢次真係無老點你...真係好味架！炸魚片頭食落雖然無安利咁香口，但勝在質感咬落彈牙香口，食落去又唔覺得油膩，絕對係水準以上。呢度最出名嘅當然就係呢份油砂厚多！塊多士有成吋半咁厚，上面除左牛油之外，仲加左唔少砂糖添。麵包烘得脆卜卜，內層鬆軟，外層又香又甜，真係好食到不得了，如果日日都食一份先至返工就真係Perfect！另外仲叫左碗雪菜拼午餐肉出前一丁，厚厚嘅餐肉煎一煎後再配埋雪菜一齊食，感覺簡直係正到爆！不過勸大家唔好拚沙爹牛肉或者五香肉丁，如果唔係你就會明白咩叫暴殄天物...如果大家真係覺得港式茶記早餐點都要有沙爹牛肉的話...冇問題！大家不妨試下呢度嘅沙爹牛肉三文治，就算唔係
坐低快快手即叫呢個雪菜拼炸片頭出前一丁，呢度嘅雪菜唔係其他茶記果啲得個鹹字嘅罐頭貨色，而係望落色澤鮮艷，咬落去爽口新鮮果種。雖然麻油老妖曾對呢度嘅雪菜讚不絕口，但大家姑且信佢一次，呢次真係無老點你...真係好味架！炸魚片頭食落雖然無安利咁香口，但勝在質感咬落彈牙香口，食落去又唔覺得油膩，絕對係水準以上。
呢度最出名嘅當然就係呢份油砂厚多！塊多士有成吋半咁厚，上面除左牛油之外，仲加左唔少砂糖添。麵包烘得脆卜卜，內層鬆軟，外層又香又甜，真係好食到不得了，如果日日都食一份先至返工就真係Perfect！
另外仲叫左碗雪菜拼午餐肉出前一丁，厚厚嘅餐肉煎一煎後再配埋雪菜一齊食，感覺簡直係正到爆！不過勸大家唔好拚沙爹牛肉或者五香肉丁，如果唔係你就會明白咩叫暴殄天物...
如果大家真係覺得港式茶記早餐點都要有沙爹牛肉的話...冇問題！大家不妨試下呢度嘅沙爹牛肉三文治，就算唔係呢度嘅必食推介，味道亦絕對唔會令大家失望，但記住要叫阿姐烘底至好味架...
一份好嘅茶記早餐，當然要有一杯好嘅奶茶先至似樣，茶味夠甘濃唔苦澀，奶味適中夠香滑，好飲！我覺得要數香港十大茶記奶茶的話，昌記都應該有可能可以入到圍～ 凍奶茶相對地無熱奶茶咁精彩，但入口一樣咁滑溜，就算飲到底都唔會有變味嘅感覺，而且望落茶色均勻，絕對收貨對辦！張貼
